Kiel alveni?
Pro ĝia fameco, estas facile atingi Lignano Sabbiadoro per multe da transportoj! El ĉefaj norditalaj flughavenoj (Milano Malpensa kaj Linate, Bergamo Orio al Serio kaj Venezia Marco Polo) eblas atingi, trajne aŭ buse, la ĉefajn urbojn kaj el tie la urbo de Lignano pere de “Trenitalia” trajnservoj.
Per trajnoj kaj busoj
En Lignano Sabbiadoro mem ne estas fervoja stacidomo, kaj la plej proksima stacidomo estas tiu nomata Latisana-Lignano-Bibione, malproksima ĉirkaŭ 18 km.
Estas busoj kiuj kunligas tiun stacidomon al Lignano Sabbiadoro.
Regionaj trajnoj el Venezia Santa Lucia iras preskaŭ ĉiuhore: je 07.39, 09.39, 10.39, 12.39, 13.39, 14.39, 15.39, 16.39, 17.39, 18.39, 19.39. Alveninte al Latisana-Lignano-Bibione, vi devas iri al la apuda busa stacidomo kaj tie preni la buson LignanoLink ĝis la haltejo Lignano viale Centrale 29 (colonie). La vojaĝo (trajno + buso) daŭras iom malpli ol du horojn kaj kostas 11.70€.
El Trieste Centrale vi ankaŭ povas preni regionan trajnon ĝis Latisana-Lignano-Bibione. Regionaj trajnoj iras ĉiun horon aŭ du horojn je 07.16, 08.16, 09.16, 12.16, 14.16, 15.16, 17.16, 17.41, 18.16, 19.16, 21.16. Poste, vi devas preni la saman buson kiel ĉi-supre. Ankaŭ ĉikaze la vojaĝo daŭras iom malpli ol du horojn kaj kostas minimume 11.90€.
Por atingi la stacidomon Latisana-Lignano-Bibione el Torino aŭ el Milano oni atingu unue Venezia Mestre, kaj de tie prenu la regionajn trajnojn kiuj ekvojaĝas el Venezia Santa Lucia laŭ la supre menciitaj horaroj.
Ĉiuj detaloj pri trajnoj estas troveblaj en la retejo de Trenitalia. Rilate lokajn busojn en Lignano Sabbiadoro aŭ la regiono Friuli Venezia Giulia, vi trovos informon ĉe TPL FVG, la regiona transportkompanio.
Se vi iel ne sukcesis antaŭmendi busbileton al Lignano aŭ vi maltrafis vian buson, vi povas mendi novan bileton per biletmaŝino de TPL FVG ĉirkaŭe; en la bus-stacidomoj de Latisana kaj Udine, ankaŭ estas giĉetoj per kiuj laboristoj povas helpi vin. Konsultu la horaron de la buso aŭ aĉetu viajn biletojn en ilia retejo.
BEMI-karavano
Ankaŭ eblas atingi Lignano Sabbiadoro per biciklo. La bicikla karavano iras ĉi-jare de Munkeno tra Zagrebo al la kongresejo. Eblas kunveni kie oni volas, kaj la itinero estas ŝanĝebla laŭ novaj deziroj. Kontaktu @Abeneezer en Telegramo aŭ Abeneegmaco (uzu retumilon kun CSS por vidi retpoŝtadreson) por informiĝi aŭ aliĝi retpoŝte. Biciklista Esperantista Movado Internacia estas faka sekcio de TEJO kiu krom karavanoj al IJK-oj ankaŭ aranĝas aliajn biciklajn aranĝojn.
