Okazis eraro dum ŝarĝado de tiu ĉi enhavo. Bonvolu reprovi poste.

antaŭ 53 jaroj

NOVAĴO: La 1-a aliĝperiodo estas plilongigita ĝis la 31-a de januaro. Ne prokrastu vian aliĝon por profiti de la plej favoraj prezoj de la IJK!

La 79-a IJK de TEJO okazos en Lignano Sabbiadoro, Italio, inter la 5-a kaj la 12-a de aŭgusto 2023. Ĝin organizas la Kongresa Komisiono (KK), internacia teamo de spertaj eventorganizantoj de Tutmonda Esperantista Junulara Organizo (TEJO). Ĝi okazos komune kun la 56-a Kongreso de la Internacia Ligo de Esperantistaj Instruistoj (ILEI).

Ĉu vi jam scias kio estas IJK? Kaj ĝia organizanto, TEJO? Poste legu pri la diversaj loĝejoj, kiel alveni al Lignano Sabbiadoro aŭ kion fari en Italio, kaj ankaŭ pri la malaĉa kongresejo. Iam baldaŭ ankaŭ alvenos informoj pri ekskursoj kaj karavanoj por kompletigi vian vojaĝon.

Kaj nun vi certe volas veni, ĉu ne? Rigardu kiuj aliaj homoj jam aliĝis, kontrolu kiom multe vi pagus, kaj plenigu la aliĝilon!

Laste, ĉu vi volas helpi pliriĉigi la programon de la IJK? Dum vi plenigas la aliĝilon, vi ankaŭ havas la ŝancon proponi al ni viajn ideojn pri mojosaj programeroj!

Atendante la grandan kongreson vi povas jam babili kun aliaj festontoj en la Telegram-grupo. Venu al Lignano Sabbiadoro dum #IJK2023 kaj sunumu kun ni!

La datumprotektan deklaron de la IJK vi trovos ĉi tie.

Atentu: Ĉi tiu retejo ankoraŭ estas konstruata. Povas manki la informoj, kiujn vi serĉas, sed ni klopodos aperigi ilin laŭeble plej baldaŭ. Dume, vi jam povas aliĝi.